ក្តៅៗ! កម្លាំងអាវុធហត្ថរាជធានីភ្នំពេញ ស្រាវជ្រាវនិងចាប់កូនប្រុសនាយ ហុងដា រឹតកម្តាយចុងសម្លាប់បានហើយនៅខាងក្រោយវិហារចាម ក្នុងខណ្ឌជ្រោយចង្វា
ភ្នំពេញ: កម្លាំងអាវុធហត្ថរាជធានីភ្នំពេញ សហការជាមួយកម្លាំងអាវុធហត្ថខណ្ឌជ្រោយចង្វា បានចាប់ខ្លួនកូនប្រុសបង្កើតរបស់តារាកំប្លែងនាយ ហុង ដា ដែលសម្លាប់ម្ដាយចុងរបស់ខ្លួន កាលពីថ្ងៃទី១១ខែឧសភាឆ្នាំ២០១៧នេះនៅបានហើយ នារសៀលថ្ងៃទី១២ ខែឧសភានេះ នៅខាងក្រោយវិហារចាម ក្នុងខណ្ឌជ្រោយចង្វា។
ការចាប់ខ្លួនជនសង្ស័យនេះធ្វើឡើងក្រោមការដឹកនាំបញ្ជាផ្ទាល់ពីលោកឧត្តមសេនីយ៍ រ័ត្ន ស្រ៊ាង មេបញ្ជាការកងរាជអាវុធហត្ថ រាជធានីភ្នំពេញ។
មន្ដ្រីអាវុធហត្ថរាជធានីភ្នំពេញ បាន ឲ្យដឹងថា នៅពេលនេះ ជនដៃដល់ ត្រូវបាននាំខ្លួនភ្លាមៗ ទៅកាន់ទីបញ្ជាការដ្ឋានអាវុធហត្ថរាជធានីភ្នំពេញ ដើម្បីធ្វើការសួរនាំបន្ដទៀត។
យ៉ាងណាក៏ដោយ មូលហេតុនៃការសម្លាប់ម្ដាយចុងរបស់ខ្លួន មិនទាន់ត្រូវបានមន្ដ្រីអាវុធហត្ថ បញ្ជាក់នៅឡើយទេ ដោយបាននិងកំពុងសួរនាំជាមុនសិន។
សូមបញ្ជាក់ថា សូមបញ្ជាក់ថាហេតុការណ៍នេះបានកើតឡើងកាលពីថ្ងៃទី១១ ខែឧសភា ឆ្នាំ២០១៧ ដោយឃាតកបានរឹតកប្រពន្ធទី២របស់នាយ ហុង ដា តារាកំប្លែងល្បីល្បាញម្នាក់ នៅក្នុងប្រទេសកម្ពុជាស្លាប់នៅក្នុងបន្ទប់ខុនដូ របស់តារាកំប្លែងនាយ ហុង ដា។ នារីរងគ្រោះ មានឈ្មោះ ស៊ឹម ចន្ធី ហៅ អាការ អាយុ១៨ឆ្នាំ ។
លុះដល់ម៉ោង០៣ និង៤៩នាទីរសៀលថ្ងៃទី១១ ខែថ្ងៃដដែលសមត្ថកិច្ចបានធ្វើការពិនិត្យទៅលើកាមេរ៉ាសុវត្ថិភាពនៅអគារខុនដូរយ៉ាងយកចិត្តទុកដាក់នោះ បានបង្ហាញថា នៅមុនពេលកើតករណីឃាតកម្មនេះ គឺបានឃើញមនុស្សប្រុស២នាក់ចូលទៅក្នុងបន្ទប់របស់នារីរងគ្រោះ ។ ហើយក្នុងចំណោមមនុស្ស២នាក់នោះ គឺស្គាល់ម្នាក់ជាកូនប្រុសបង្កើតរបស់នាយហុងដាតែម្តង ។ ខណៈពេលនេះ សមត្ថកិច្ចកំពុងតាមឆែកលេខទូរស័ព្ទរបស់ជនសង្ស័យទាំង ២នាក់នេះហើយ។
សមត្ថកិច្ចឱ្យដឹងទៀតថាបើយោងតាមការពិនិត្យលើសាកសពនារីរងគ្រោះដែលស្លាប់នេះឃើញថា គឺត្រូវឃាតករបានយកខ្សែឆ្នាំងអ៊ុតមករឹត.កសម្លាប់យ៉ាងសាហាវ ។ គួររំលឹកថា នារីរងគ្រោះឈ្មោះស៊ឹម ចន្ទី (ហៅស្រីមុំ) អាយុ១៩ឆ្នាំ មានកូនស្រីអាយុ៦ខែជាមួយលោកហុងដា មានទីលំនៅក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។ចំពោះការស្លាប់នារីរងគ្រោះនេះដែរ ក៏ត្រូវបានប្អូនស្រីម្នាក់ ដែលមានបន្ទប់នៅជិតនៃអគារខុនដូជាន់ទី៥នោះ ឱ្យដឹងដែរថា នាងមិនបានដឹងថា សាកសពនោះគឺជាប្រពន្ធរបស់បងហុងដាទេ ។ ដោយនៅមុនពេលកើតហេតុ គឺកូនស្រីតូចរបស់ នាងបានរត់ចូលទៅលេងក្នុងបន្ទប់កើតហេតុនោះ ខ្លួនក៏រត់ចូលទៅតាម ទើបប្រទះឃើញសាកសពមនុស្សបានរុំជាមួយភួយយ៉ាងជិតឈឹង រូបខ្លួនភ័យតក់ស្លុតយ៉ាងខ្លាំង ហើយបានរត់ចេញពីបន្ទប់នោះវិញមករាយការណ៍ជូនសមត្ថកិច្ចទៅ ។
ក្រោយពីមានករណីឃាតកម្មមកលើប្រពន្ធខ្លួន នាយ ហុងដា ក៏បានធ្វើការអំពាវនាវ ដល់កម្លាំងសមត្ថកិច្ច ពាក់ព័ន្ធមេត្តាស្រាវជ្រាវ និងតាមចាប់ឃាតក (កូនប្រុស)ដែលសម្លាប់ប្រពន្ធលោកយកមកផ្តន្ទាទោស បើទោះជាកូនបង្កើតឫមិនមែនក៏ដោយ។
សូមបញ្ជាក់ថា៖នៅព្រឹកថ្ងៃទី១២ ខែឧសភា ឆ្នាំ២០១៧នេះ សពស្ត្រីជាប្រពន្ធតារាកំប្លែងជើងចាស់ នាយ ហុងដា បានហែទៅតម្កល់ធ្វើបុណ្យ នៅវត្តទួលសង្កែ ខណ្ឌឫស្សីកែវ រាជធានីភ្នំពេញក្នុងពិធីបុណ្យសពប្រពន្ធនាយហុងដា នោះដែរសង្កេតឃើញបងប្អូនសាច់ញាតិជិតឆ្ងាយ បានមកចូលរួម អ្វីដែលសំខាន់នោះឃើញមានតារាកំប្លែង ប្រុសស្រី ជាច្រើនមកពីស្ថាប័នផ្សេងបានអញ្ជើញមកចូលរួមរំលែកទុកនិងចូលបុណ្យដល់សពនាយហុងដាផងដែរ។ ប្រភព៖ CEN
បញ្ចេញមតិ