ក្តៅៗ! រាជរដ្ឋាភិបាលសម្រេចទិញស្ពានកោះកុង របស់ក្រុមហ៊ុន លី យ៉ុងផាត់
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសរសេរលើបណ្តាសង្គមហ្វេសប៊ុកនៅថ្ងៃទី១ វិច្ឆិកា នេះថា «ដើម្បីសម្រួលដល់បងប្អូនប្រជាពលរដ្ឋដែលធ្វើដំណើរ និយាយជារួម និងនិយាយដោយឡែក បងប្អូនប្រជាពលរដ្ឋនៅខេត្តកោះកុង ក្នុងនាមរាជរដ្ឋាភិបាលខ្ញុំព្រះករុណា ខ្ញុំបានសម្រេចទិញយកត្រឡប់មកវិញស្ពានឆ្លងកាត់ដៃសមុទ្រខេត្តកោះកុងទៅប្រទេសថៃ ដែលវិនិយោគដោយក្រុមហ៊ុន លី យ៉ុងផាត់ ដើម្បីឱ្យបងប្អូនប្រជាពលរដ្ឋធ្វើដំណើរឆ្លងកាត់ដោយពុំចាំបាច់បង់ថ្លៃ ចាប់ពី ម៉ោង ០០:០០ នាទី ថ្ងៃទី០២ ខែ វិច្ឆិកា ឆ្នាំ ២០១៧ ដើម្បីអបអរព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអុំបុក»។
សម្តេចតេជោបានបន្តថា ចំពោះកិច្ចការដែលនៅសេសសល់ សូមឲក្រសួងសាធារណ ការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ និងសាលាខេត្តកោះកុង ពិភាក្សាជាមួយក្រុមហ៊ុន លី យ៉ុងផាត់ ដោះស្រាយនៅពេលក្រោយ ។ ខ្ញុំព្រះករុណា ខ្ញុំសង្ឃឹមថា បងប្អូនប្រជាពលរដ្ឋនឹងទទួលបានផលប្រយោជន៍ពីការសម្រេចនេះ ។ សូមជម្រាបបន្ទាប់ពីការប្រកាសទិញស្ពានកោះកុងរបស់ក្រុមហ៊ុន លី យ៉ុងផាត់ ដើម្បីបើកឲ្យពលរដ្ឋធ្វើដំណើរដោយបង់ថ្លៃនេះ បន្ទាប់ពីប្រមុខរាជរដ្ឋាភិបាលបានទិញស្ពានព្រៃពៅ្ន ពីក្រុមហ៊ុនខាង លើ ដើម្បីបើកឲ្យពលរដ្ឋធ្វើដំណើរមិនយកថ្លៃកាលពេលថ្មីៗកន្លងមកនេះ៕
បញ្ចេញមតិ