លាក់ដាវតាមខ្លួនការពារសុវត្ថិភាព ត្រូវប៉ូលិសចាប់ខ្លួន

ភ្នំពេញៈ សមត្ថកិច្ចនគរបាលចាប់ឃាត់ខ្លួនក្មេងស្ទាវ២នាក់ បន្ទាប់ពីឆែក

រកឃើញដាវ១ដើមដែលពួកគេលាក់ទុកតាមខ្លួនពេលធើដំណើរតាមដងផ្លូវសាធារណៈទុកគ្រាន់ការពារខ្លួនកាលពីវេលាម៉ោង១០យប់ថ្ងៃទី០៧ខែឧសភា ឆ្នាំ២០១៧នៅតាមបណ្តោយផ្លូវភ្នំពេញហាណូយ ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ ។

ទី១មានឈ្មោះ ស៊ាង ឆឹង ភេទប្រុសអាយុ២៣ឆ្នាំ មុខរបរធ្វើសន្តិសុខ ទី២ ឈ្មោះ ជួន សេងហាក់ អាយុ១៨ឆ្នាំ គ្មានមុខរបរពិតប្រាកដ ស្នាក់នៅផ្ទះជួលភូមិត្រពាំងស្វាយ សង្កាត់ភ្នំពេញថ្មីខណ្ឌសែនសុខស្នាក់នៅបន្ទប់ផ្ទះជួលជាមួយគ្នា។

ពួកគេទាំង២នាក់នោះ ត្រូវបានប៉ូលិសដាក់បន្ទុកចោទពីបទ ប្រើប្រាស់អាវុធខុសច្បាប់ ដែលភាគច្រើនកន្លងមកជនប្រភេទនេះ តែងតែលួចធ្វើសកម្មភាពប្លន់គំរាមគេយកលុយឬយកទ្រព្យសម្បត្តិផ្សេងៗនិងអាចបង្ករជាអំពើហឹង្សា​មក លើគូរកនកើតមាននូវភាពច្របូកច្របល់ បាត់បង់សណ្តាប់ធ្នាប់ និងអសន្តិសុខសង្គម។

បើតាមសេចក្តីរាយការណ៍របស់ សមត្ថកិច្ច បានអោយដឹងថា÷ មូលហេតុដែលនាំ

អោយមាន ការឃាត់ខ្លួនជនសង្ស័យខាងលើនោះ  មុនដំបូងខាងសមត្ថកិច្ចបានកំពុងតែយាមល្បាតក្នុងមូលដ្ឋាន ក៏បានប្រទះឃើញជននេះកំពុងតែ  ដើររេរានៅតាមផ្លូវលេខ១០១៩ ដោយមានសង្ស័យក៏ឃាត់ត្រួតពិនិត្យឆែករកឃើញមានដាវកែច្នៃ១ដើម ដែលជនសង្ស័យឈ្មោះស៊ាង ឆឹងលាក់សៀតទុកក្នងចង្កេះខោខាងឆ្វេង ទើបឃាត់ខ្លួនតែម្តង៕ 

ដោយ៖តុង សីហា