គ្រូជំនួយលោក ហៅ សុជាតិ នឹងចូលកាន់តំណែងជាគ្រូបង្វឹកបណ្តោះអាសន្នក្លិប បឹងកេត ក្រោយការដឹកនាំរបស់ John បានត្រឹម៥ខែ

លោក ហៅ សុជាតិ បានដឹកនាំក្រុមបឹងកេត ឈ្នះ មជ្ឈមណ្ឌលកំចាត់មីនកម្ពុជា ២ទល់១ ក្នុងការប្រកួតដំបូងរបស់ខ្លួនបន្ទាប់ពីត្រូវបានក្លិបផ្តល់សេចក្តីទុកចិត្តជាគ្រូបង្វឹកបណ្តោះអាសន្ន ខណៈពេលលោក John McGlynn បានសម្រេចចែកផ្លូវជាមួយក្លិប បន្ទាប់ពីចូលកាន់តំណែងកាលពីថ្ងៃទី ៩ ខែ មករា ឆ្នាំ២០១៧ កន្លងទៅ។

បើគិតមកទល់ពេលនេះអស់រយៈពេល៥ខែ គ្រូបង្វឹកសញ្ជាតិអូស្ត្រាលី លោក John McGlynn បានដឹកនាំក្រុមទាំងមូលនៅក្នុងលីគកគំពូលកម្ពុជា ពានរង្វាន់សម្តេចតេជោ ហ៊ុន សែន និងពានរង្វាន់ AFC Cup 2017 ដែលបានធ្លាក់ចេញបាត់ទៅហើយ។ យ៉ាងណាពុំទាន់មានព័ត៍មានច្បាស់ការថាក្លិបអាចនឹងបន្តយកលោក សុជាតិ ដល់ចប់រដូវកាលរីយ៉ាងណានោះទេ ស្របពេលបុរសរូបនេះធ្លាប់ជាអតីតជំនួយការគ្រូបង្វឹកលោក ប្រាក់ វុទ្ធី, ប្រាក់ សុវណ្ណារ៉ា, David Booth និង Sam Schweingruber នឹងបានសម្រេចចាកចេញពី ភ្នំពេញក្រោន តំណាលគ្នាជាមួយលោក បែ មករា អតីតអ្នកចាត់ការទូរទៅ ដោយមករួមរស់នៅក្លិបថ្មីបឹងកេត កាលពីឆ្នាំ២០១២ និងឈ្នះពានលីគកំពូលនៅទីនោះ៕ ប្រភព៖ wearefootball